Линктер

ЧУКУЛ КАБАР!
16-Апрель, 2021 жума, Бишкек убактысы 18:32

Жапаров: Кыргызстанда орусиялык банктардын өкүлчүлүктөрү ачылат


Иллюстрациялык сүрөт.

Кыргызстанда Орусиянын бир-эки банкынын өкүлчүлүктөрү ачылат. Бул тууралуу президент Садыр Жапаров 24-февралда Орусиядагы иш сапарынын алкагында Москвада кыргызстандыктар менен жолугушуусу учурунда айтты.

Жапаров билдиргендей бул маселени ал орус президенти Владимир Путин менен талкуулап, оң жооп алды:

“Владимир Владимирович менен сүйлөшкөндө мен ушул маселени көтөрдүм. Кыргызстанга Орусиянын банктарын ачууга сөз берди. Өкмөткө команда берип, банктары жакында ачылат Кыргызстанда. Бул мен көтөргөн маселе болду. Сурандым. Бир-эки банк ачыла турган болду”.

Жапаров менен жолугушууга катышкан кыргызстандыктар Орусиядагы банк карталары менен Кыргызстанга барганда банкоматтан акчасын чыгара албай кыйналарын айтышкан.

Кыргызстанда 23 коммерциялык банк бар. Миллиондон ашуун кыргызстандык чет мамлекеттерде эмгек мигранты болуп жүрүшөт, алардын көбү Орусияда. (RK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG