Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 02:44

«Кыргыз Туусу» басылмасына Мырзакат Тыналиев жетекчи болуп дайындалды


Мырзакат Тыналиев.

«Кыргыз Туусу» басма үйүнүн директору - башкы редактору болуп Мырзакат Тыналиев дайындалды. Тийиштүү буйрукка премьер-министр Улукбек Марипов 3-мартта кол койду.

Мурдагы жетекчи Эрнис Балбаков 16-февралда өз арызы менен кызматтан кеткен.

Мырзакат Тыналиев буга чейин басылманын жетекчисинин биринчи орунбасары болгон.

«Кыргыз туусу» — улуттук башкы гезит. Мурда Кыргыз ССР Жогорку Советинин президиуму менен Министрлер Советинин органы болгон.

1924-жылдын 7-ноябрында «Эркин тоо» деген ат менен биринчи саны араб арибинде жарыкка чыккан. 1927-жылы «Кызыл Кыргызстан», 1956-жылы «Советтик Кыргызстан», 1991-жылы «Кыргыз Туусу» болуп өзгөргөн.

Азыр мамлекеттин каржылап, колдоосу менен жумасына эки жолу орточо 5000 нускада чыгат. Басылманын kyrgyztuusu.kg сайты да иштейт. (SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG