Линктер

ЧУКУЛ КАБАР!
11-Апрель, 2021 жекшемби, Бишкек убактысы 21:01

Райымбек Матраимов жеке клиникада дарыланууда


Райымбек Матраимов сот залында

Бишкектеги менчик "Бикард" кардиологиялык клиникасы Бажы кызматынын төрагасынын мурдагы орун басары Райымбек Матраимов бир нече күндөн бери бул ооруканада жатканын ырастады.

Аталган клиниканын өкүлү Елена Баялинова "Азаттыкка" Матраимовдун абалы улам өзгөрүп жатат деди:

"Бишкектеги "Бикард" кардиологиялык клиникасынын башкы дарыгери айткандай, бейтап ооруканага кан басымы оор абалда келип түштү. Кан басымы улам түшүп, көтөрүлүп, бейтаптын абалы стабилдүү болбой жатат. Ал шашылыш түрдө текшерүүгө алынып, коронарография жасалууга муктаж. Балким, башка да анализдер талап кылынат, бөйрөк кан тамырлары текшерилет. Абалы ушундай болгондуктан жакшы болуп калгыча медициналык кароого алынат".

Мамлекеттик бажы кызматынын төрагасынын мурдагы орун басары Райымбек Матраимов 18-февралда УКМКга сурак бергенден кийин экинчи жолу кармалган. Ал кылмыштуу кирешелерди адалдаштырууга байланыштуу айыпталууда.

Райымбек Матраимовдун 24-февралда абалы начарлап, Бишкектеги менчик ооруканалардын бирине жаткырылганы кабарланганы менен клиниканын аты ачыкталбай келген.

Коронарография – жүрөктүн кан тамырлары менен артерияларын рентген аркылуу изилдөө. (BCh)

Матраимов иши: Эркиндиктин баасы 260 миң сом
please wait

No media source currently available

0:00 0:04:44 0:00

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG