Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 08:55

Кара-Сууда уулануудан эки адам каза болду


"Тез жардам" автоунаасы. Иллюстрациялык сүрөт.

Ош облусунун Кара-Суу районуна караштуу Нариман айылындагы уулануунун себеби текшерилүүдө.

Бул тууралуу «Азаттыкка» Ош шаардык санитардык-эпидемиологиялык көзөмөлдөө борборунун башкы дарыгеринин орун басары Мамирасул Өмүрзаков билдирди. Анын айтымында, уулануудан кийин 50 жаштагы аял Нариман ооруканасында 10-мартта кайтыш болду. Ош шаарындагы ооруканада жаткан дагы бир бейтап 11-мартта оорусу өтүшүп кетип каза тапты.

"6-мартта Нариман айылынын тургуну 60 жылдык маарекесине арнап той өткөргөн. 7-8-9-март күндөрү тойго келген кишилерде уулануунун белгилери болгонуна карабай үйлөрүндө өз алдынча дарыланып жүрө беришкен. 9-март күнү той ээси Нариман аймактык ооруканасына жаткырылган», - деди Мамирасул Өмүрзаков.

Саламаттык сактоо министрлиги азыр ууланган он киши ооруканада экенин маалымдады.

2-мартта Аксы районунда алты киши спирттен ууланып каза тапкан. (DU)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG