Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 06:33

Путин Байденди түз эфирде жолугууга чакырды


Жо Байдендин интервьюсу

Орусиянын президенти Владимир Путин АКШнын мамлекет башчысы Жо Байденди 19-мартта же 22-мартта түз эфирде жолугууга чакырды.

“Биз эки тараптуу кызматташтык тууралуу сүйлөшсөк болот. Ошондой эле, стратегиялык туруктуулук жана аймактар аралык талаш-тартыштуу маселелерибизди да талкуулай алабыз”, - деди Путин.

Орусиянын Тышкы иштер министрлиги эки мамлекеттин лидерлеринин жолугушуусун пландай баштаганын министрликтин өкүлү Мария Захарова ачыктаган.

17-мартта Байден "ABC News" каналына берген интервьюсунда журналисттин "Орусия президенти Владимир Путин киши өлтүргүчпү?” деген суроосуна “ооба” деп жооп кайтарган. Ал орус бийлиги АКШдагы шайлоого кийлигишүү аракети үчүн жакын арада жооп бере турганын айткан эле.

Мындан соң Орусия АКШдагы элчисин Вашингтон менен алакасы тууралуу кеңешүү үчүн чакыртып алды. Ал эми Кремлдин маалымат катчысы Дмитрий Песков «абдан жаман» жана «чектен чыккан» деп атаган.

Путиндин түз эфирде жолугуу сунушу боюнча Ак үйдүн басма сөз катчысы Жен Псаки комментарий берип, АКШ администрациясы азырынча бул жолугушуу болорун ырастай албастыгын, буга Жо Байдендин Жоржия штатына пландалган сапары себеп экенин маалымдады.

Псаки ошондой эле Байден АВС каналында айткандары үчүн өкүнбөй турганын, "президентке түз суроо берилип, түз эле жооп айтылды" деген түшүндүрмө жасады. Пикир келишпестиктерге карабай, АКШ Орусия менен ар түрдүү багытта кызматташууга даяр экенин кошумчалады.

АКШ менен Орусия ортосундагы алака «кансыз согуш» жылдарынан бери абдан төмөн деңгээлге түшүп салкындап кетти. Буга Москванын Кошмо Штаттарда жана башка мамлекеттерде шайлоого кийлигишүү аракеттери, Сирия жана Украинадагы жаңжалдар, орус хакерлеринин киберчабуулдары жана оппозициячыл саясатчы Алексей Навальныйдын уулундарылышы, андан кийин камалышы себеп болду.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG