Линктер

ЧУКУЛ КАБАР!
19-Апрель, 2021 дүйшөмбү, Бишкек убактысы 22:08

Сымап комбинатына таандык жер мамлекетке кайтарылды


Айдаркен шаарындагы сымап кен комбинаты жайгашкан аймак.

Баткен облусунун Кадамжай райондук прокуратурасы жалпы баасы 10 млн. 258 миң 715 сомдук 2,3 гектар жер тилке жана анда жайгашкан кыймылсыз мүлктү мамлекетке кайтарды.

Башкы прокуратуранын маалыматына ылайык, 99,98% акциясына мамлекет ээлик кылган мамлекеттин менчигинде болгон «Айдаркен сымап» акционердик коомунун 2,3 гектар жер тилкеси Айдаркен поселоктук өкмөтүнүн 2003-жылдын 1-декабрындагы мыйзамсыз токтому аркылуу жеке менчикке чыгарылган.

2004-жылдын 12-мартында жеке менчик укугу жөнүндө мамлекеттик акты берилгендиги тастыкталган. Райондук прокуратура жогорудагы токтом жана мамлекеттик актыны жараксыз деп табуу максатында сотко кайрылган.

Бардык соттук инстанциялар бул документтерди жараксыз деген чечим чыгарган. Натыйжада быйыл, 25-февралда кыймылсыз мүлк «Айдаркен Сымап» акционердик коомунун менчигине кайтарылды.

Башкы прокуратура мурдагы жылдары мыйзамсыз менчикке чыгарылган бала бакчалардын имараттарын, жер тилкелерин жана башка кыймылсыз мүлктү мамлекетке кайтарган.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG