Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 09:33

Пара алууга шектелген депутаттын агасына айыппул салынды


Бахтияр Төлөнов (сүрөт Интернеттен алынды).

Пара талап кылууга айыпталган Мамлекеттик миграция кызматынын Маалыматтык кеңеш берүү борборунун мурдагы директору Бахтияр Төлөновдун иши 23-мартта Бишкек шаардык сотунда каралды.

Шаардык соттун өкүлдөрү билдиргендей, жараянда биринчи инстанциянын чечими күчүндө калды.

Биринчи май райондук соту буга чейин аны Жазык кодексинин 326-беренеси (“Опузалап пара алуу”) менен күнөөлүү деп таап, 260 миң сом айыппулга жыккан.

2020-жылы Экономикалык кылмыштарга каршы күрөш боюнча мамлекеттик кызмат Бахтияр Төлөнов 9-январда Бишкектеги кафелердин биринде 800 АКШ доллары өлчөмүндө пара менен кармалганын кабарлаган. Ал кыргызстандыктарга чет элде иштөөгө квота берген комиссиянын төрагасы болуп да иштеп келгени айтылган. Маалыматта ал пара чет өлкөдөгү кыргызстандык жарандардын эмгек ишмердүүлүгүнө уруксат алуу маселесин оң жакка чечиш үчүн талап кылынганы жарыяланган.

Бахтияр Төлөнов - Жогорку Кеңештин мурдагы вице-спикери, депутат Данияр Төлөновдун бир тууганы.

Ал жана адвокаттары өз дарегине карата айыптоолорго комментарий бере элек. (TSh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG