Линктер

ЧУКУЛ КАБАР!
17-Апрель, 2021 ишемби, Бишкек убактысы 05:44

Кыргыз-казак чек арасындагы «Каркыра» бекети 1-апрелде иштей баштайт


«Каркыра» көзөмөл өткөрүү жайы. Архивдик сүрөт.

Кыргызстан менен Казакстандын чек арасындагы «Каркыра» көзөмөл-өткөрмө бекети 1-апрелден тартып кайра иштей баштайт. Бул тууралуу Кыргызстандын Мамлекеттик чек ара кызматы кабарлады.

Мекеменин маалыматына ылайык, Ысык-Көл облусунун Түп районунда жайгашкан «Каркыра» бекетинен адамдар, транспорт каражаттары, жүк, товарлар жана жаныбарлар өткөрүлөт.

Өткөрмө бекети 2020-жылдын 1-декабрында жабылган. «Каркыра» бекети 08:00 баштап 18:00 чейин иштейт. Казакстанга барарда адамдар казак тараптагы эпидемиологиялык абалды жана чет өлкөлүктөргө киргизилген чектөөлөрдү эске алышы керек.

Кыргыз-казак чек арасында «Чалдыбар», «Ак-Тилек», «Кең-Булуң», «Чоң-Капка», «Каркыра» бекеттерин кошкондо жалпысынан 12 өткөрмө бекет бар. Анын ичинен беш автоунаа жана бир темир жол өткөрмө жайы иштейт. (BTo)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG