Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 16:03

Бишкекте акындардын республикалык айтышы өттү


Каныбек Иманалиев, Садык Шер-Нияз жана Идирис Айитбаев.

28-мартта Токтогул Сатылганов атындагы улуттук филармонияда акын, манасчы Тоголок Молдонун 160 жылдыгына жана «Айтыш» коомдук фондунун 20 жылдыгына арналган республикалык айтыш өттү. Айтыштын байге фонду бир миллион сомду түзүп, 12 акын ат салышты.

Калыстардын чечими менен баш байге (200 миң сом) Идирис Айитбаевге ыйгарылды. 1-орунга Баян Акматов (150 миң сом), 2-орунга Акматбек Султан уулу (100 миң сом), ал эми 3-орунга Тынчтык Эсенбай уулу (50 миң сом) ээ болду.

Мындан тышкары таймашка катышкан сегиз акынга 30 миң сомдон кызыктыруучу сыйлыктар берилди.

Акын, манасчы Тоголок Молдонун 160 жылдыгына жана «Айтыш» коомдук фондунун 20 жылдыгына арналган республикалык айтыштын тандоо туру 27-март күнү КТРКда өтүп, 42 акын катышкан. Алардын ичинен кийинки баскычка 12 акын тандалып алынган.

“Айтыш” коомдук фондунун төрагасы Асылбек Маратовдун “Азаттыкка” билдирген маалыматына караганда, кийинки айтыш Эгемендиктин 30 жылдык майрамына карата 31-августта өткөрүлөт жана ал айтышка коңшу Казакстандын акындары чакырылат. (MiK/MZh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG