Линктер

ЧУКУЛ КАБАР!
20-Апрель, 2021 шейшемби, Бишкек убактысы 11:06

«Коопсуздук-2021» биргелешкен машыгуусунун биринчи этабы башталды


«Коопсуздук-2021» биргелешкен командалык штабдык жана мобилизациялык машыгуусунун ачылышы. Ортодо министр Таалайбек Өмүралиев.

Кыргызстанда бүгүн, 1-апрелде «Коопсуздук-2021» биргелешкен командалык штабдык жана мобилизациялык машыгуусунун биринчи этабы башталды.

Коргоо министрлиги кабарлагандай, машыгуунун максаты – мамлекеттик органдардын аймактык башкармалыктарын жана жергиликтүү өз алдынча башкаруу органдарын аскердик жана өзгөчө абал шартында милдеттерди аткаруусуна даярдыкка келтирүү.

Машыгуунун башталыш аземинде сүйлөп жатып коргоо министри Таалайбек Өмүралиев азыр дүйнөдө эл аралык терроризм жана экстремизм негизги коркунуч экенин белгилеп, "Биз Кыргызстандын жарандарынын жана өлкөнүн коопсуздугун камсыз кылышыбыз керек" деп айтты.

Машыгуу 3-апрелге чейин Баткен, Жалал-Абад жана Ош облустарында жүрөт. Ага 2 миңге жакын адам катышып, 100дөй автомобиль, брондолгон жана атайын техника, 20га чейинки артиллериялык система, 10дой авиациялык техника тартылууда.

Мындай ири машыгуу көптөн бери боло элек. Атургай бул ирет Баткен облусунун аймагында 2-апрелде бир нече саатка шарттуу түрдө коменданттык саат киргизилет. (RK)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Сунуш кылынган арга.

XS
SM
MD
LG