Линктер

ЧУКУЛ КАБАР!
28-Май, 2022 ишемби, Бишкек убактысы 19:28

Суваналиев коңшу өлкөлөрдөгү элчилер тууралуу дооматты четке какты


Жаныш Рустенбеков. Кыргызстандын Тажикстандагы элчиси.

Кыргыз өкмөтүнүн Баткен облусундагы өкүлү Өмүрбек Суваналиев Кыргызстандын Тажикстан жана Өзбекстандагы элчилерин жактап билдирүү таратты. Ал "Телеграмм" каналындагы баракчасы аркылуу Жаныш Рустенбеков менен Ибрагим Жунусов облустук бийлик менен тыгыз кызматташып, байланышып турарын билдирди.

"Баткендин коопсуздугу, чек ара маселелеринин алга жылышы жана кошуна мамлекеттин чектеш аймактары менен социалдык-экономикалык жактан кызматташуусу, кошуналык жакын мамилесин бекемдөө жаатында жасаган дипломатиялык мамиле түзүүдөгү үзүрлүү эмгектерин жогору баалайбыз. Чектеш аймакта күн алыс орун алып келген түрдүү окуялардын чечилүүсүндө, сүйлөшүүлөрдүн жүрүшүндө, элчилер улуттук кызыкчылыктарды коргой алган, мекенчил адамдар экенин айгинелеп келишет", - деп жазылган.

Суваналиева эки элчини "коңшу мамлекеттер менен экономикалык жана соода байланыштарын өнүктүрүүдөгү кызматташуунун жолдорун көрө билген, дасыккан адистер" деп мүнөздөгөн.

Мунун алдында Жогорку Кеңеште айрым депутаттар Кыргызстандын Тажикстандагы элчиси Жаныш Рустенбековдун ишин сынга алышкан.

Рустенбеков бул кызматка 2018-жылы күзүндө дайындалган. Ал мурда Кыргызстандын Түркмөнстандагы элчиси болгон.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG