Линктер

ЧУКУЛ КАБАР!
11-Май, 2021 шейшемби, Бишкек убактысы 03:18

Москвадагы мигранттар УКМКга нааразылыгын билдиришти 


Москва шаарындагы чогулуш. 18.04.2021

Москва шаарындагы Авиамоторная көчөсүндө жайгашкан имараттардын бирине чогулган 100дөн ашык мигрант Улуттук коопсуздук комитетинин кыргыз-өзбек чек арасы боюнча чечимдерине нааразылык билдиришти. Уюштуруучулардын бири, “Мен макул эмесмин” кыймылынын мүчөсү Орозайым Нарматова эл менен эсептешпей чечим кабыл алып жатат деп сындады.

“Кыргызстандын жери УКМКнын менчиги эмес. Алар элдин, Жогорку Кеңештин кийлигишүүсү жок өз алдынча чечүүгө укугу жок. Бүгүнкү чогулуш “УКМКнын жетекчиси кызматын өз ыктыяры менен тапшырып берсин” деген талап менен өтүп жатат. Иш-чараны каршылык акциясы десек туура болот”.

Кыргыз мигранттарынын чогулушун “Мен макул эмесмин” жана “Укугум бар” кыймылдары уюштурду. УКМК айтылган талаптарга комментарий бере элек.

24-25-мартта Ташкентте Кыргызстан менен Өзбекстандын ортосундагы мамлекеттик чек араны делимитациялоо жана демаркациялоо боюнча өкмөт аралык комиссиянын жыйыны өтүп, жыйынтыгында протокол кабыл алынган.

Бул сүйлөшүүлөргө Кыргызстандын атынан УКМКнын төрагасы Камчыбек Ташиев катышкан.

Анда «Кемпир-Абад суу сактагычы», «Шахрихансай каналы», «Гавасай», «Көк-Серек», «Баястан», «Ак-Таш», «Үңкүр-Тоо», «Кара-Белес» тилкелерин тактоодон өткөрүү макулдашылганы белгиленген. Сапардан кийин, 26-мартта Ташиев басма сөз жыйынын өткөрүп, кыргыз-өзбек чек арасы 100% чечилгенин жарыялаган.

Президент Садыр Жапаров кыргыз-өзбек чек арасы боюнча соңку кадамдар "тарыхый мааниге ээ" деп сыпаттаган. Ошол эле кезде коомдун бир бөлүгү кыргыз-өзбек чек арасы боюнча сүйлөшүүлөрдүн жыйынтыгын сындап чыгышкан. Айрыкча, «Кемпир-Абад суу сактагычы» боюнча чечим чоң талкуу жараткан.

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG