Кыргызстанда 23-апрелге карата 14 861 киши коронавируска каршы эмдөөдөн өттү. Алардын 276сына вакцинанын экинчи дозасы сайылды. Бул тууралуу Коронавируска каршы республикалык штаб кабарлады.
Өлкөдө COVID-19 илдетине каршы эмдөө 29-мартта Кытайдын "SinoPharm" вакцинасы менен башталган.
Эмдөөнүн аймактык көрсөткүчү:
Ош облусунда - 4463 киши;
Жалал-Абад облусунда - 2265;
Чүй облусунда - 1627;
Бишкек шаарында -1567;
Ош шаарында - 1385;
Ысык-Көл облусунда - 1201;
Баткен облусунда - 781;
Нарын облусунда - 638;
Талас облусунда - 534.
Расмий маалыматка караганда, Кыргызстанда коронавирус пандемиясы башталган 2020-жылдын март айынан бери илдет 93 278 кишиге жукту. Анын 87 717си айыгып, Вирустан жалпы 1573 адам кайтыш болду.
Кыргыз өкмөтү 22-апрелде Орусиядан да "Спутник V" вакцинасынын биринчи партиясында 20 миң доза алып келди. Австриянын "AstraZeneca" вакцинасы да келери маалымдалган. (SE)
Facebook шеринеси