Баткенде аткезчиликке каршы ыкчам топтор түзүлүп, аймактарга жөнөтүлдү. Бул тууралуу 21-майда өкмөттүн облустагы ыйгарым укуктуу өкүлүнүн басма сөз кызматы кабарлады.
Ага ылайык, күч түзүмдөрүнүн, бажы, салык кызматкерлеринен куралган төрт мындай топ Лейлек районунун Кулунду, Арка, Баткен районунун Самаркандек, Кара-Бак өңдүү аткезчилик тобокелчилиги жогору аймактарга жөнөп кеткен.
Баткенде кыргыз-тажик чек арасындагы соңку жаңжалдан кийин аткезчиликке каршы күрөштү күчөтүү талабы көбөйдү. (МТа)
Facebook шеринеси