Линктер

ЧУКУЛ КАБАР!
29-Июль, 2021 бейшемби, Бишкек убактысы 05:40

Индира Кудайбергенова Медициналык академиянын ректору болуп бекиди


Иса Ахунбаев атындагы Кыргыз мамлекеттик медициналык академиясы

Индира Кудайбергенова Иса Ахунбаев атындагы Кыргыз мамлекеттик медициналык академиясынын ректору болуп дайындалды. Тиешелүү буйрукка билим берүү жана илим министри Болотбек Купешов кол койду.

Индира Кудайбергенованы ректор кылып дайындоо тууралуу буйрук менен министрликтин статс-катчысы Калысбек Шадыканов тааныштырды.

Индира Кудайбергенова 29-майда өткөн ректор шайлоодо утуп чыккан. Ага 731 профессор, окутуучунун 698и добуш берген.

Калган үч талапкердин арасынан Эркин Алымбаев 11, Зиябидин Айдаров 12 жана Жолдош Шаршембиев 10 добуш алган.

29-майга белгиленген шайлоону Билим берүү жана илим министрлиги токтоткону белгилүү болуп, 28-майда окуу жайда нааразылык акциясы өткөн. Акцияга чыккандар шайлоону убагында өткөрүү талабын коюшкан жана президентке кайрылуу жолдошкон. (МТа)

Facebook шеринеси

XS
SM
MD
LG