Улуттук илимдер академиясынын Сейсмология институтунун маалыматы боюнча, 21-июлда Жалал-Абад облусунда күчү 3,5 баллга жеткен жер титирөө катталды.
Жер титирөөнүн очогу Кызыл-Көл айылынан 13 км, Аркит айылынан 16 км жана Чат айылынан 17 чакырымда болду. Бул айылдарда жердин силкинүүсү үч баллга чейин сезилди.
Өзгөчө кырдаалдар министрлиги (ӨКМ) жер титирөөдөн жабыркагандар бар-жогу тууралуу маалымат бере элек. (BTo)
