Таласта сууга чөгүп каза болгон адамдын сөөгү табылып, туугандарына өткөрүлүп берилди. Өзгөчө кырдаалдар министрлигинин (ӨКМ) маалыматына караганда, окуя 25-июлда болгон.
Кара-Буура районундагы Киров суу сактагычына сууга түшкөнү барган 27 жаштагы жергиликтүү тургун чөгүп каза болгон. Ал Кызыл-Адыр айылынын тургуну болчу.
ӨКМ билдиргендей, быйыл алгачкы алты ай ичинде Кыргызстанда 28 адам сууга чөгүп каза болгон. (MKt)
Facebook шеринеси