Линктер

ЧУКУЛ КАБАР!
20-Сентябрь, 2021 дүйшөмбү, Бишкек убактысы 17:07

Чек ара кызматы: жоокер өзүн-өзү төшкө аткан


Кыргыз аскери. Сүрөттүн жаңылыкка тиешеси жок.

Жалал-Абад облусундагы Чек ара кызматынын №2027 аскер бөлүгүндө нөөмөттө турган аскер автомат менен өзүн-өзү төшкө аткан. Бул тууралуу Улуттук коопсуздук боюнча мамлекеттик комитеттин Чек ара кызматы маалымдады.

Аскер Ноокен аймактын ооруканасында дарыланып жатат. Ага "төшүнө ок тийген" деген диагноз коюлду. Абалы канааттандырарлык деп бааланууда. Окуя боюнча жоокердин жакындарына кабарланды. Учурда Аскер прокуратурасы териштирүү жүргүзүүдө.

Чек ара кызматынын маалыматында, аскер 2021-жылы жазында чакырылган жана кызмат өтөөгө каалоосунун жоктугунан улам психологдун байкоосунда болчу. Ошондой эле "алдын ала маалымат боюнча ал кызмат өтөөдөн качуу үчүн өзүн-өзү атып алышы мүмкүн" деп айтылат билдирүүдө.

Учурда аскердин жакындары менен байланышууга мүмкүнчүлүк боло элек. (TSh)

Facebook шеринеси

XS
SM
MD
LG