Линктер

ЧУКУЛ КАБАР!
1-Октябрь, 2022 ишемби, Бишкек убактысы 10:32

Равшан Жээнбеков куугунтук бир да бийликке ийгилик алып келбегенин айтты


Равшан Жээнбеков.

Оппозициялык саясатчы Равшан Жээнбеков саясий оппоненттерин куугунттукка алган бир да бийлик ийгиликке жетишпегенин билдирди. Бул тууралуу ал 20-сентябрда Бишкектин Биринчи май райондук сотуна Кой-Таш окуясы боюнча отурумда учурда айтты.

“Саясатчыларды, оппоненттерди, жарандык коомдун өкүлдөрүн, журналисттерди куугунтуктоо менен бир да мамлекет, бир да авторитардык бийлик ийгиликке жеткен эмес”, - деди Жээнбеков.

Биринчи май райондук сотунда 20-сентябрда Кой-Таш окуясы боюнча сот отуруму бир аптага жылдырылды. Буга айыпталуучулар жана адвокаттардын толук келбегени себеп болду. Кийинки отурум 27-сентябрга белгиленди.

Равшан Жээнбеков Кой-Таш окуясы боюнча айыпталып, 2019-жылдын 12-декабрында камакка алынган. Былтыр парламенттик шайлоодон кийинки башаламандык учурунда, 6-октябрдын түнүндө абактан бошотулган. “Жарандык көзөмөл комитети” уюму аны саясий туткун деп тааныган.

Сот саясатчы үй камагынын талаптарын бузганын жүйө келтирип, быйыл 5-августта кайра №1 тергөө абагына камакка алган. Жээнбеков өзүнө коюлган айыпты саясий куугунтук деп келет. (BTo)

Facebook шеринеси

XS
SM
MD
LG