Азык-түлүк коопсуздугун камсыздоо үчүн товар өндүрүүчүлөрдү айыл чарба жана башка техника менен камсыздоо максатында насыя берүүгө 426,6 млн. сом бөлүндү. Бул тууралуу Министрлер кабинетинин төрагасы Улукбек Марипов Фейсбуктагы баракчасына жазды.
Насыя мамлекеттик "Айыл банк" аркылуу чарба жүргүзүүчү субъекттерге кайра иштетүүчү техниканы, тамчылатып сугаруу үчүн атайын машиналарды жана жабдууларды алууга берилет. Лизингдин мөөнөтү 10 жылга чейин, пайызы бир жылга 4,5%. (МТа)
