Линктер

ЧУКУЛ КАБАР!
6-Декабрь, 2022 шейшемби, Бишкек убактысы 20:49

Каржылык көзөмөл кызматына Улан Сарбанов жетекчи болуп дайындалды


Улан Сарбанов

Улан Сарбанов Экономика жана коммерция министрлигине караштуу Финансы рыногун жөнгө салуу жана көзөмөлдөө боюнча мамлекеттик кызматтын төрагасы болуп дайындалды. Бул тууралуу аталган мекемеден кабарлашты.

Сарбанов буга чейин Салык консультанттарынын палатасындагы аттестациялык комиссияда жана Экономика министрлигинин алдындагы эксперттик кеңеште мүчө болгон, Улуттук илимдер академиясында, Борбор Азиядагы Эл аралык университетте, Кувейт университетинде иштеген.

1992-жылдан баштап Улуттук банкта ар кайсы кызматтарды аркалаган. 1998-жылдан 2006-жылга чейин Улуттук банктын төрагасы болуп эмгектенген.

Финансы рыногун жөнгө салуу жана көзөмөлдөө боюнча мамлекеттик кызматын буга чейин Арзыбек Кожошев жетектеген. Ал 12-13-октябрда түзүлгөн Министрлер кабинетинин төрагасынын биринчи орун басарлыгына дайындалган. (ErN)

Facebook шеринеси

XS
SM
MD
LG