Линктер

ЧУКУЛ КАБАР!
7-Декабрь, 2021 шейшемби, Бишкек убактысы 22:05

УКМК ырайым кылуу боюнча комиссиянын жооптуу катчысын кармады


Шектүүнү кармоо учуру. Сүрөт УКМКдан алынды.

Улуттук коопсуздук боюнча мамлекеттик комитет (УКМК) пара талап кылууга шек саналып президенттик администрациянын ырайым кылуу боюнча комиссиясынын А.Т.Б. аттуу жооптуу катчысы кармалганын кабарлады.

Расмий маалыматка караганда, ырайым алууга жана эркиндигинен ажыратуу жайларынан мөөнөтүнөн мурда бошотулууга тийиш болгон адамдарды тактоо жана бекитүү тартибинде коррупциянын белгиленген схемасы түзүлгөнү такталды. Кылмыш коррупциялык көрүнүштөрдү жок кылуу боюнча жүргүзүлүп жаткан иш-чаралардын алкагында ачыкка чыккан.

"Комиссиянын жооптуу катчысы кызмат абалынан кыянаттык менен пайдаланып, жеке өзүнө пайда алуу максатында, соттолгон адамдын маселесинин оң тарапка чечүү жана ырайым кылынуучу адамдардын тизмесине киргизем деп “С.Н.” аттуу жарандан 170 миң сом өлчөмүндө акча каражатын талап кылганы аныкталды", - деп жазылат УКМК тараткан маалыматта.

Шектүү 18-октябрда ыкчам-иликтөө иш-чараларынын жүрүшүндө 170 миң сом өлчөмүндө акча каражатын алып жаткан жеринен кармалып, Жазык-процесстик кодексинин 98-беренесине ылайык УКМК тергөө камак жайынын убактылуу кармоочу жайына киргизилди. Азыркы учурда тергөө жүрүп жатат.

Жаза аткаруу мамлекеттик кызматы (ЖАМК) 2020-жылдын соңунда президент Садыр Жапаровдун жарлыгынын негизинде абакта отурган 230 адамды мунапыс боюнча бошоткон, дагы 38 адамдын жаза мөөнөтүн кыскарткан. Президенттин ошол кездеги басма соз катчысы Галина Байтерек ырайым берүү боюнча эки миңден ашык кайрылуу каралганын, президенттин жарлыгы боюнча 200дөн ашык ырайым берилгенин билдирген.

Мыйзам боюнча мунапыс маселеси алгач парламентте үч окууда талкууланып, чечим кабыл алынгандан кийин президенттик аппаратта каралат.

Улгайган адамдар, өспүрүмдөр жана аялдар бошотулган мунапыс Кыргызстанда быйыл май айында эле болгон.

Жалпысынан Кыргызстандын түрмөлөрүндө он миңге жакын адам кармалары буга чейин кабарланган. (КЕ)

Facebook шеринеси

XS
SM
MD
LG