26-октябрда Жалал-Абад шаарында Баткен согушу аяктаганынын 21 жылдыгы белгиленди. Согушта курман болгондорду эскерүү иш-чарасына калаа жетекчилиги жана Баткен согушунун ардагерлери, апаатта каза болгондордун жакындары катышты.
Баткен согушуна Жалал-Абад шаарынан 84 жоокер барып, 12си курман болгон. Жергиликтүү бийлик жыл сайын алардын үй-бүлөсүнө акчалай жардамын берип келет. Быйыл бул максатта шаар казынасынан 84 миң сом акча бөлүндү.
«Өзбекстан ислам кыймылынын» (ӨИК) террордук согушкерлери менен Кыргызстандын аскерлеринин 1999-2000-жылдагы кагылышуусу «Баткен согушу», «Баткен окуясы», «Баткен коогалаңы» деген ат менен тарыхта калды. Анда 53 адам курман болуп, 130дан ашыгы жараат алган. (TB)
Facebook шеринеси