Линктер

ЧУКУЛ КАБАР!
3-Декабрь, 2022 ишемби, Бишкек убактысы 18:08

Топчубек Тургуналиевдин 80 жылдыгына арналган илимий конференция өттү


Топчубек Тургуналиевдин 80 жылдыгына арналган илимий конференция.

“Манас” жана Чыңгыз Айтматов Улуттук академиясында 29-октябрда академиянын президенти, коомдук ишмер Топчубек Тургуналиевдин 80 жылдык мааракесине арналган республикалык илимий-тажрыйбалык конференция өттү.

Иш-чарага белгилүү коомдук ишмерлер, адабиятчылар катышып, Тургуналиевдин эмгек жолу тууралуу баяндамаларды жасашты.

Коомдук ишмердин 80 жылдык мааракесине арналган илимий-тажрыйбалык конференция Абдылас Малдыбаев атындагы опера жана балет театрында уланып, концерттик программа менен коштолду.

Топчубек Тургуналиев 1941-жылы 5-июлда Аксы районунун Тегирмен-Сай айылында туулган. 1965-жылы Москвадагы Мамлекеттик маданият институтун бүтүрүп, 1975-жылы МГУда кандидаттык диссертациясын жактаган.

Ишеналы Арабаев атындагы КМУда окутуучу, Абдылас Малдыбаев атындагы опера жана балет театрында директор болуп иштеген. 1990-жылы КДКны уюштуруучулардын бири, тең төрагасы, “Эркиндик” партиясын түптөп, аны көп жылдар жетектеген.

Коомдук ишмер 2019-жылдын июнь айынан бери “Манас” жана Чыңгыз Айтматов Улуттук академиясын жетектеп келе жатат. (MZh)

Facebook шеринеси

XS
SM
MD
LG