Көмүрдүн орточо баасы бир ай мурдагыга караганда 10,4% кымбаттады. Бул тууралуу Улуттук статистика комитети билдирди. Учурда бир тонна көмүрдүн орточо баасы 5 720 сом турат.
Эң кымбат көмүр Ноокатта - 9 874 сом, Баткенде - 9 718 сом, Исфана шаарында 1 тонна көмүр 8746 сом болууда.
Жумгал районунун Чаек айылында бир тонна көмүр 3000 сом, Балыкчы шаарында 4 миң, Нарын жана Кара-Балта шаарларында 4,5 миң сомдон сатылууда.
4-октябрга карата 1 тонна көмүрдүн орточо баасы 5 181 сом болчу. Бул былтыркы жылга салыштырмалуу орто эсеп менен 18,8% кымбаттады. Өкмөт көмүрдүн баасын туруктуу кармоо боюнча чараларды көрөрүн эскерткен. (ZKo)
Кыргызстанда көмүр бир айда 10,4% кымбаттады
Facebook шеринеси