Линктер

ЧУКУЛ КАБАР!
28-Март, 2024-жыл, бейшемби, Бишкек убактысы 22:52

Президент Садыр Жапаров жумушчу сапар менен Түркмөнстанга кетти


Архив сүрөт. 2-март, 2021-жыл
Архив сүрөт. 2-март, 2021-жыл

Президент Садыр Жапаров 28-ноябрда парламенттик шайлоодо добуш бергенден кийин жумушчу сапары менен Түркмөнстандын борбору Ашхабад шаарына учуп кетти.

Ал жакта Экономикалык кызматташтык уюмунун (ЭКУ) 15-саммитине катышат. Ушул эле күнү Бишкекке кайтып келерин президенттик администрациядан билдиришти.

Түркмөнстандын президенти Гурбангулы Бердымухамедовдун төрагалыгы менен өтчү саммитте Ашхабаддын Экономикалык кызматташтык уюмуна жана анын уставдык органдарына төрагалык кылуусунун жыйынтыгы чыгарылат. Саммиттин соңунда жыйынтыктоочу декларация кабыл алынат.

Делегациясынын курамында тышкы иштер министри Руслан Казакбаев, Президенттин администрациясынын тышкы саясат бөлүмүнүн башчысы Жээнбек Кулубаев, экономика жана коммерция министри Данияр Амангелдиев, Кыргызстандын Экономикалык кызматташтык уюмундагы туруктуу өкүлү, Кыргызстандын Ирандагы элчиси Турдакун Сыдыков, Түркмөнстандагы кыргыз элчиси Талант Султанов бар.

Facebook шеринеси

XS
SM
MD
LG