Орусияда жарым-жартылай мобилизация жарыялангандан кийин Москва биржасынын индекси 2100 пункттан ылдый төмөндөдү. Биржа 24-февралдан бери алгачкы жолу ушундай деңгээлде соода жүргүзүүдө. РТС индекси 15-августтан бери биринчи жолу 1100 пункттан ылдыйлады.
Доллар менен евронун рублге карата курсу жогорулоодо.
Орусияда жарым-жартылай мобилизация жарыялангандан кийин Москва биржасынын индекси 2100 пункттан ылдый төмөндөдү. Биржа 24-февралдан бери алгачкы жолу ушундай деңгээлде соода жүргүзүүдө. РТС индекси 15-августтан бери биринчи жолу 1100 пункттан ылдыйлады.
Доллар менен евронун рублге карата курсу жогорулоодо.
Москва биржасында "Газпромдун", "Яндекстин", "Сургутнефтегаздын", "НОВАТЭКтин" акциялары негативдүү динамика көрсөтө баштаганын адистер белгилөөдө.
Орусия Украинага кол салган жети айдан бери экинчи жолу жоготуулары тууралуу расмий жарыялады. Өлкөнүн коргоо министри Сергей Шойгу 21-сентябрда Украинада 5937 орус аскери каза болгонун билдирип, “Украина менен эле эмес, эми жалпы Батыш менен согушуп жатабыз” деп айтты.
Согуш башталган 24-февралдан бери орус бийлиги жоготуулары тууралуу март айында гана бир жолу маалымат берип, 1351 аскери каза болгонун жарыялаган.
Украина жалпысынан 55 миңден ашуун орусиялык аскер набыт болгонун айтууда.
Орусияда жарым-жартылай мобилизация жарыяланды. Өлкө президенти Владимир Путин тийиштүү жарлыкка кол койгонун 21-сентябрда орусиялыктарга жолдогон кайрылуусунда билдирди.
"Мекенибизди коргоо жана бүтүндүк үчүн жарым-жартылай мобилизацияны колдоо керек деп эсептейм", — деди Владимир Путин.
Мобилизациялык иш-чаралар 21-сентябрда башталары, аскерге запастагылар жана аскердик кызматтан өткөндөр чакырылары, алар кошумча даярдыктан өткөрүлөрү айтылды.
20-сентябрда Мамлекеттик Дума өлкөнүн Кылмыш-жаза кодексин “мобилизация”, “аскердик абал”, “аскердик мезгил” деген түшүнүктөр менен толуктап, дезертирлердин жазасын катуулата турган, туткунга өз ыктыяры менен өтүп кеткендерге, талап-тоноочулукка баргандарга жана коргонуу тармагындагы мамлекеттик буйрукту аткаруудан баш тарткандарга жаза мөөнөттөрүн аныктаган.