БУУдагы Орусиянын ТИМинин өкүлү Константин Воронцов АКШнын жарандык жандоочторун согушта колдоно турган мыйзамдуу бута деп атады.
Сөз Илон Масктын украин армиясын интернет менен камсыз кылган Starlink спутниктери тууралуу болуп жатат
"Квазижарандык инфраструктура жооп иретинде соккунун мыйзамдуу бутасы болушу мүмкүн", – деп билдирди ТИМдин департаментинин жетекчисинин орун басары.
Оккупация болгон Шахтерскидеги темир жол станциясындагы түнкү кырсыктын кесепети
Белгилүү болгондой күйүүчү май жүктөлгөн 12 цистерна күйүп кеткен. Алдын ала маалыматтарда өрттөн жабыр тарткандар жок.
Израилдин президенти Ицхак Герцог АКШнын президенти Жо Байден менен Вашингтондогу шаршембидеги кездешүүсүндө Орусия Украинада колдонуп жаткан ирандык өндүрүштөгү сокку уруучу дрондор темасын талкуулады.
Герцогдун айтымында, Иран Москвага “Украинанын жайкын тургундарына өлүм алып келе турган” куралдарды жиберүүдө.
Израилдин президенти мунун алдында Вашингтондогу Атлантикалык кеңеште сөз сүйлөп жатып, Орусия пайдаланып жаткан дрондор Иранда өндүрүлгөнүн ырастаган фото кадрларды сунуштады.
Москва менен Тегеран Орусияга Ирандан учкучкуз учактар келип жатканы тууралуу маалыматтарды ырастабай келатат. Украиналык жана эл аралык адистердин жоон тобу орус тарап соңку апталарда колдонуп жаткан "Герань-2" дрону ирандык "Шахид-136" экенин, болгону анын сыртын жасалгалап коюшканын белгилеп жатышат. Ал дрондор Украинанын ири шаарларындагы жарандык объектилерге сокку урууда.
Орусиянын бийлиги Украинада сегиз айдан бери уланып жаткан согуштун фонунда “карым-катнашты кайрадан жакшыртуу” ыктымалдуулугу жөнүндө Киевге “дубай салам” жиберди. Бул тууралуу Украинанын президенти Владимир Зеленский Африкадагы мамлекет Гвинея-Бисаунун президенти Сисоку Эмбало менен биргелешкен маалымат жыйынында билдирди.
Сисоку Эмбало мунун алдында Москвада Орусиянын президенти Владимир Путин менен жолугушкан. Зеленскийдин сөзүнө караганда, орус бийлиги "белгини" ошол аркылуу билдирген.
“Ал Орусия мамиледеги көпүрөлөрдү кайрадан калыбына келтирүүнү каалап жатканын айтты. Бирок Орусия менен сүйлөшүү башталышы үчүн алар жарандык инфратүзүмдөргө сокку уруусун токтотушу керек. Орусиянын экинчи маселеси - карым-катышты бөгөттөөнү ачуу. Келгиле, мурдагы карым-катышты, жок дегенде биздин Кара деңизде бөгөттөөнү токтотолу”.