Украинанын президентинин кеңсеси Кремлге дрондор менен жасалган чабуулуна Киевдин тиешеси жоктугун билдирди.
"Бизде Кремлге болгон түнкү чабуул тууралуу маалымат жок. Президент Зеленский бир канча жолу айткандай, Украина бардык күч жана каражатын башка аймакка чабуул коюуга эмес, өз аймагын бошотууга жумшап жатат", - деди мамлекет башчынын басма сөз катчысы Сергей Никифоров.
3-майга караган түнү "эки украиналык дрон Орусиянын президенти Владимир Путиндин резиденциясына сокку урууга аракет кылганын" Кремлдин басма сөз кызматы шаршембиде кабарлаган.
Орус медиасы дрондор Кремлди көздөй багытталганын, аскердик жана чалгын кызматтары алардын мизин кайтарганын жазган.
Кремл бул чабуулду "пландалган террордук акт" жана "Жеңиш майрамынын алдында президентке кол салуу аракети" деп атады.
"Орус тарап каалаган жерде жана качан жооп чараларды көрүү укугун өзүнө калтырат", — деп айтылат билдирүүдө.
Москванын мэри Сергей Собянин Орусиянын баш калаасында дрон учурууга тыюу салынганын жарыялады. Бирок бул чектөөнүн бул мамлекеттик органдар колдонгон учкучсуз учактарга тиешеси жок.
"Кремлди бутага алды" деген дрондор кандай көлөмдө жана кандай үлгүдө экенин, алар кайдан учурулганын жана Москванын борборуна кандайча багытталганын орус бийлиги азырынча түшүндүрө элек.
Зеленскийдин катчысы: Москвадагы окуя "кырдаалды 9-майдын алдында курчутуу"
"Бизде Кремлге болгон түнкү чабуул тууралуу маалымат жок. Бирок президент Зеленский бир канча жолу айткандай, Украина бардык күч жана каражатын башка аймакка чабуул коюуга эмес, өз аймагын бошотууга жумшап жатат", - деп билдирди Сергей Никифоров. Ал "Москвада болгон окуя, 9-май алдында кырдаалды курчутуу" деп кошумчалады.
Украинанын президенти Владимир Зеленский Финляндияга барды. Ал Түндүк Европа өлкөлөрүнүн лидерлери менен согуштагы жагдайды жана алардын Украинага көрсөткөн жардамын талкуулайт.
Швеция өкмөтү бул саммите Орусиянын Украинага каршы согушу, Скандинавия мамлекеттеринин Киевге колдоосу, Киевдин Евробиримдик жана НАТО менен мамилеси талкууланарын маалымдады.
Зеленский Финляндиянын президенти Саули Ниинистё, Швеция, Норвегия, Дания жана Исландиянын премьер-министрлери менен жолугушары кабарланган. Киев бул сапар тууралуу азырынча маалымат бере элек.
Зеленский 13-майда Берлинге барууну пландап жатканын, Германиянын канцлери Олаф Шольц менен жолугарын Батыштын бир катар маалымат каражаттары жазды.
3-майга караган түнү эки украиналык дрон Орусиянын президенти Владимир Путиндин резиденциясына сокку урууга аракет кылганын Кремлдин басма сөз кызматы билдирди.
Орус медиасы дрондор Кремлди көздөй багытталганын, аскердик жана чалгын кызматтары алардын мизин кайтарганын кабарлады. Маалыматка караганда, эч ким жабыркаган эмес жана Путиндин иш жадыбалы өзгөргөн жок.
Киев азырынча комментарий бере элек.
"Соседи. Якинманка-Замоскворечье" Телеграм каналы Кремлдин маңдайындагы Серафимович көчөсүнүн тургундары катуу добуш укканын кабарлады. Жашоочулар асманда учкундарды жана Кремлдин дубалынын жанында кол чырак кармаган кишилер жүргөнүн көрүшкөн.
"Кремлди бутага алды" деген дрондор кандай көлөмдө жана кандай моделде экенин, алар кайдан учурулганын жана Москванын борборуна кандайча багытталганын орус бийлиги азырынча түшүндүрө элек.