Украинанын Куралдуу күчтөрү бир нече багыттар боюнча активдешүүдө. Бул тууралуу "Новая Газета - Европа" басылмасы бир катар булактарга таянып жазды. Орусиялык Телеграм-каналдар “Чабуул 7-июнда күндүз Запорож облусунда башталып, украин күчтөрү контрчабуулга өткөнүн”, “Орусиянын күчтөрү дагы кармашка киргенин”, “Ореховдо айгышкан кармаш жүрүп жатканын” жазышты.
Ошол эле маалда украин тарап кырдаал боюнча көп маалымат берген жок. Улуттук коопсуздук жана коргоо кеңешинин катчысы Алексей Данилов Reuters агенттигине комментарий берип, “Украина пландалган контрчабуулу боло электигин жана анын башталышы ал ишке ашканда гана баарына ачык болорун” айтты. Ал эми президент Владимир Зеленский Bild басылмасына берген маегинде, "контрчабуулдун графиги буга чейин бекитилип, чечимдер кабыл алынганын" белгилеген.
Дүйнөлүк саламаттык сактоо уюму (ДССУ) Кахов ГЭСинин дамбасындагы жардыруунун айынан суу алдында калган аймакка жардам жеткирди. Уюмдун баш катчысы Тедрос Гебрейесус Днепр дарыясынын ташышы бул райондун суу менен камсыздоо системасына, санитария жана саламаттык сактоо тармагына терс таасиринин тийгизерин эскертти.
Reuters агенттиги ДССУнун адистери кырсык болгон аймакта холераны козгоочу бактериаларды тапканын жазды. Уюмдун өкүлү Терезе Закария эгер окуя терс жагынан өнүгүп кетсе керектүү вакциналар чукул жеткирилерин маалымдады.
Анын алдында Киев суу каптаган аймакта жашагандарды коопсуз жайга көчүрүү маалында орус армиясынын аткылоосунан кеминде бир адам мерт болуп, дагы тогузу жараат алганын билдирген
Херсон облусунун Орусия дайындалган башчысы Володимир Салдонун айтымында, Голая Пристань шаарынан жайкын тургундарын эвакуациялоо пункту аткыланганда эки адам окко учуп, экөө жарадар болгон. Ал кол салуу үчүн Украинаны айыптады. Киев буга комментарий бере элек.
Ушул эле күну Херсонго украин президенти Владимир Зеленский барып, оперативдүү кырдаал, кырсыктын кесепеттерин жоюу иштери менен таанышкан.
Кремлдин басма сөз катчысы Дмитрий Песков президент Владимир Путиндин Херсондун Москва көзөмөлдөгөн аймагына баруу планы жок экенин билдирген.
Бейшемби күнү Херсонду аткылоодо кеминде бир адам каза таап, экөө жарадар болду. Бул тууралуу Украинанын Башкы прокуратурасы билдирип, ал үчүн орус аскерлерин айыптады. Мекеменин билдирүүсүндө айтылгандай, суу каптаган жерлерден эвакуация жүрүп жатканда алар атайылап сокку урду.
Днепрдин оң жээгиндеги бир нече айыл да аткылоого кабылып, төрт киши жарадар экени кабарланды.
Херсондун борбордук бөлүгүн жана Днепрдин жээгине чабуу жасалганын буга чейин облустук администрациянын башчысы Александр Прокудин билдирген. Украин маалымат каражаттары жана телеграм каналдары Херсондон тартылган видеолорун жарыялашты.
Херсон облусунун Орусия тарабынан дайындалган башчысы Володимир Салдонун айтымында, Голая Пристань шаарынан жайкын тургундарын эвакуациялоо пункту аткыланганда эки адам окко учуп, экөө жарадар болгон. Ал кол салуу үчүн Украинаны айыптады. Киев буга комментарий бере элек.
Ушул эле күну Херсонго украин президенти Владимир Зеленский барып, оперативдүү кырдаал, кырсыктын кесепеттерин жоюу иштери менен таанышкан.
Кремлдин басма сөз катчысы Дмитрий Песков президент Владимир Путиндин Херсон облусунун Орусия көзөмөлдөгөн аймагына баруу планы жок экенин билдирди.
Украинанын президенти Владимир Зеленский бейшемби күнү Херсон облусунун суу каптаган түштүк аймагына барып, куткаруу операциясын талкуулады. Президент жергиликтүү бийлик өкүлдөрү менен жолугуп, кырсыктын кесепеттерин жоюу иштерин, суу каптоо коркунучу сакталып жаткан аймактардан калкты коопсуз жерлерге чыгаруу, жабыркаган аймактарды эң зарыл нерселер менен камсыздоо маселелерин талкуулады. Бул тууралуу украин мамлекет башчысы Телеграм-каналына жазды.
Зеленский ошондой эле аймактын экосистемасын калыбына келтирүү жана техногендик кырсык зонасындагы аскердик кырдаал кеп болгонун кошумчалады. Президент эл эвакуацияланган пунктка да барган.
Мунун алдында Херсон облусунун аскердик администрациясынын башчысы Александр Прокудин 600 чарчы километр аянт суу астында калганын, 8-июндун таңына карай кооптуу аймактардан дээрлик 2000 адам чыгарылганын билдирген.
Орусиянын Өзгөчө кырдаалдар министрлиги өткөн суткада кызматкерлери суу каптаган аймактардан 300дөн ашык адамды, анын ичинде 70 баланы эвакуациялашканын маалымдады. Буга чейин оккупациялык бийликтер сол жээктен жалпысынан 4000 адам көчүрүлгөнүн билдирген.
Кахов ГЭСинин дамбасы 6-июнга караган түнү жардырылган. Киев менен Москва буга байланыштуу бири-бирин күнөөлөп жатат.
Украин бийлиги дамбанын бузулушун иликтөө өтүнүчү менен Гаагадагы Эл аралык кылмыш сотуна кайрылды.
Орусия ачкан согушта Украинаны колдогон Батыштын көптөгөн лидерлери ГЭСтин кыйрашы үчүн Москваны күнөөлөштү. НАТОнун башкатчысы Йенс Столтенберг бул окуяны “Орусиянын Украинадагы согушунун ырайымсыздыгын дагы бир жолу көрсөткөн чектен чыккан жорук” деп атады.