Жекшембиде орус армиясынын чабуулунан Украинанын Херсон облусунда 35 жаштагы келин каза болгону аныкталды. Ал Тягинск кыштагынын тургуну экени облустук аскердик админстрациянын Телеграм каналында кабарланды. Аталган айылда дагы бир адам жараат алып, ооруканага түштү.
27-августта орус күчтөрү Херсондун бир катар райондоруна башкарылуучу авиабомба таштаганы маалымдалган.
Баштапкы кабарларга ылайык, Дарьевка, Казацкий жана Одракаменки райондору чабуулга кабылган. Курмандыктар жана кыйроолор тууралуу маалымат такталып жатат.
Орус аскерлери дээрлик күн сайын Херсондун оккупацияланган бөлүгүн аткылоодо. Далилдерге карабастан, Москва карапайым элге чабуул жасалганын четке кагып келет.
Бир күн мурун Харьковдогу соккудан эки кишинин өмүрү кыйылган.
Украинада 27-августта кайрадан абадан жапырт эскертүү жарыяланган. Бул күнү Киев облусунда Орусиянын төрт канаттуу ракетасы жок кылынганын өлкөнүн Аскер-аба күчтөрү билдирген. Ал эми Орусия өз аймагына эки жолу учкучсуз учак сокку урганын маалымдап, бул үчүн Киевди күнөөлөдү. Курск шаарындагы көп кабаттуу үйгө дрон кулап, терезелер талкаланганы айтылууда.
"Азаттык" радиосу согуш маалындагы кабарларды дароо көз карандысыз булактардан тактай албайт.
Орус армиясы Херсон облусунун бир катар райондоруна башкарылучу авиабомба таштаганын. жергиликтүү бийлик 27-августта билдирди. Курмандыктар жана кыйроолор тууралуу маалымат такталып жатат.
Баштапкы кабарларга ылайык, Дарьевка, Казацкий жана Одракаменки райондору чабуулга кабылган.
Орус аскерлери дээрлик күн сайын Херсондун оккупацияланган бөлүгүн аткылоодо. Далилдерге карабастан, Москва карапайым элге чабуул жасалганын четке кагып келет.
Украинада 27-августта кайрадан абадан жапырт эскертүү жарыяланган. Бул күнү Киев облусунда Орусиянын төрт канаттуу ракетасы жок кылынганын өлкөнүн Аскер-аба күчтөрү билдирген. Ал эми Орусия өз аймагына эки жолу учкучсуз учак сокку урганын маалымдап, бул үчүн Киевди күнөөлөдү. Курск шаарындагы көп кабаттуу үйгө дрон кулап, терезелер талкаланганы айтылууда.
"Азаттык" радиосу согуш маалындагы кабарларды дароо көз карандысыз булактардан тактай албайт.
Орусиянын Тергөө комитети "Вагнер" жеке аскердик компаниясынын жетекчиси Евгений Пригожин өлгөнүн расмий тастыктады. Бул тууралуу маалымат мекеменин Telegram каналына 27-августта жарыяланды.
"Тверь облусунда учак кулаганы боюнча кылмыш ишинин алкагында молекулярдык-генетикалык экспертизалар аяктады. Каза болгон 10 адамдын баарынын тек-жайы такталды. Алардын баары учакка чыккандардын аты-жөнү жазылган тизме менен дал келет",- деди мекеменин өкүлү Светлана Петренко.
23-августта Тверь облусунда Пригожинге караштуу учак кулап түшкөн. Ичиндеги он адамдын баары күйүп кеткен. Росавиация жарыялаган жүргүнчүлөрдүн тизмесинде Евгений Пригожин да болгон. Бул жагдай эл аралык коомчулукта түрдүү божомол жаратып, анын өлүмүнөн күмөн санаган ойлор айтылган.
Москванын Украинадагы согушуна жалданма жоочуларды тарткан Пригожиндин эки ай мурдагы Кремлге каршы козголоңун эске алганда, ал атайылап эле жок кылынган болушу мүмкүн деген версиялар айтылып, Кремль муну четке каккан.
Кара деңизде аннексияланган Крым менен Одессанын ортосундагы стратегиялык маанилүү газ жана мунай платформалары үчүн Украина менен Орусиянын деңиз жана аба күчтөрү алгылашып жатат. Бул тууралуу Британиянын Коргоо министрлиги чалгындоо маалыматтарына таянуу менен билдирди.
Орус күчтөрү 2014-жылы Крымды аннексиялап, "Черноморенефтегазды" басып алган. Британ министрлигинин Твиттерге жарыяланган маалыматына ылайык, өткөн аптада Орусиянын согуштук учагы деңиздин түндүк-батышында Украинанын аскердик кемесин аткылаган. Украина орустар көзөмөлдөгөн платформаларга сокку урган.
Британ тарап платформаларда баалуу көмүр суутек ресурстары бар экенин белгилейт.
Украин аскерлеринин Орусия ээлеп алган "Черноморенефтегаздын" бургулоо жабдууларына чабуул коюп келатканы былтыр июндан бери айтылат.