Украинага жүздөй дрон чабуул койду, курмандыктар бар

Орусияга караштуу Татарстандын борбору Казан шаарында сот “Эркин Европа/Азаттык” радиосунун журналисти Алсу Курмашеванын камактагы мөөнөтүн 5-декабрга чейин узартты. 23-октябрдагы соттук жараянга журналисттер киргизилген жок.

Курмашева 18-октябрда "чет элдик агент" катары каттоодон өтүүдөн баш тартканы үчүн кармалганы кабарланган. Орусияда мындай айып үчүн беш жылга чейин эркинен ажыратуу каралган. Курмашева өзүнө тагылган дооматтарды мойнуна алуудан баш тартты.

Радионун татар-башкыр кызматынын редактору, Прагада жашаган Алсу Курмашева быйыл майда Орусияга жеке маселелерине байланыштуу барган. 2-июнда Чехияга кайтарда аэропортто кармап, эки паспортун тең тартып алышкан. Ал Орусиянын жана АКШнын жараны.

Ошондон бери ал Орусиядан чыга албай келген. Бийлик 11-октябрда журналистке америкалык паспортун каттоодон өткөрбөгөнү үчүн 10 миң рубль айып пул салганын жергиликтүү маалымат каражаттары жазышты.

20-октябрда сот анын бөгөт чарасын карап, камактагы мөөнөтүн 72 саатка узарткан.

"Эркин Европа/Азаттык" радиосу Курмашеванын кармалышын кескин айыптады.

Бир катар эл аралык уюмдар аны дароо бошотууну талап кылды. Журналистти токтоосуз бошотууга чакырган билдирүүлөрдү БУУнун Адам укуктары боюнча башкы башкармалыгы, Журналисттерди коргоо комитети, АКШ Конгрессинин Өкүлдөр палатасынан тышкы иштер боюнча комитети да жасашты.

Кремлдин маалымат катчысы Дмитрий Песков Москва АКШ жарандарын куугунтуктап жатканы тууралуу дооматтарды четке какты. Курмашеванын кармалышы боюнча комментарий берген жок.

Алсу Курмашева көп жылдан бери Орусиянын Волго-Уральск аймагындагы этностук азчылыктардын маселелерин чагылдырып, татар тилин сактап калуу боюнча берүүлөрдү даярдап келген.

Харьковдун алдындагы Коротич кыштагына жасалган чабуулда жабыркагандар 17ге жеткенин Харьков облусунун прокуратурасы Фейсбукка жазды.

“Бүгүнкү күнгө карай жабыр тарткандардын саны 17ге жетти. Бир жумушчу жараат алды. Ага медициналык жардам көрсөтүлдү”, – деп айтылат билдирүүдө.

Харьков облусунун полиция башкармалыгынын жетекчисинин орун басары Сергей Болвинов "Жаңы почта» мекемесинин алты кызматкери набыт болгонун ырастады.

«Алты киши жеринде каза тапты. Бардыгы тең эркектер, почтанын жумушчулары. Бирөөнүн сөөгү күйүп кетиптир, анын тек-жайы ДНК анализ менен аныкталат», - деп Болвинов Фейсбуктагы баракчасына жазды.

Буга чейин почтага тийген ракетадан алты киши набыт болуп, 16 адам жараат алганы кабарланган.

21-октябрдын кечинде орус армиясы Коротич айылындагы «Жаңы почтанын» терминалына ракета менен сокку урган. Терминалдын чатыры тешилип, жети жүк ташуучу машине жана эки чиркегич керектен чыккан. Ал жерге келген адистер С-300 ракетасынын калдыктарын тапкан.

Орус армиясы Украинага согуш ачып, басып киргени жарандык жайларды бутага алып, дрон, ракета менен аткылап жүрөт. Жеринен табылган далилдерге карабастан Москва андай айыптоону мойнуна албайт.

Улуттар Уюмунун маалыматында 8-октябрга карай Украинада 9806 жай тургундун өмүрү кыйылып, 17962 киши жарадар болгону айтылган. Дүйнөлүк уюм эки жылга аяк баскан согушта карапайым калктын ичинен өлгөндөр мындан көп экенин белгилейт.

Орусиянын армиясы 23-октябрдын таңында Украинанын бир катар калктуу конуштарын учкучсуз аппараттар жана ракеталар менен аткылоону улантты. Украинанын Ички иштер министрлиги билдиргендей, Донецк, Херсон, Сумы жана Одесса облустары чабуулдун жаңы толкунуна дуушар болушту.

Донецкиде жарандык объект жабыркап, өрт тутанганын ички иштер министри Игорь Клименко Телеграм аркылуу билдирди. Ал ошондой эле Херсон жана Берислав шаарларына 14 ракета атылганын, натыйжада бир жаран жараат алганын кошумчалады.

Одесса портун бутага алган тогуз дрон атып түшүрүлгөнүн, алардын биринин сыныгы кампага тийип, өрт тутанганын армия өкүлдөрү билдирди.

Маалыматка караганда, “Шахеддер” менен жасалган чабуул 3,5 саат бою тынымсыз уланган.

Соңку бир суткада Донецкиде үч карапайым тургундун өмүрү кыйылганын облус губернатору Игорь Мороз билдирди. 22-октябрда Харьковдогу почтанын имаратына урулган ракеталык сокку алты адамдын өмүрүн алып, 20 чактысын жарадар кылган.

Орусиянын Коргоо министрлиги соңку чабуулдар тууралуу комментарий бере элек. Согуш маалында тараптардын билдирүүлөрүн көз карандысыз булактардан ырастоо мүмкүн эмес.

Харьковдун алдындагы Коротич кыштагына жасалган чабуулда жабыркагандар 17ге жеткенин Харьков облусунун прокуратурасы Фейсбукка жазды.

“Бүгүнкү күнгө карай жабыр тарткандардын саны 17ге жетти. Бир жумушчу жараат алды. Ага медициналык жардам көрсөтүлдү”, – деп айтылат билдирүүдө.

Харьков облусунун полиция башкармалыгынын жетекчисинин орун басары Сергей Болвинов "Жаңы почта» мекемесинин алты кызматкери набыт болгонун ырастады.

«Алты киши жеринде каза тапты. Бардыгы тең эркектер, почтанын жумушчулары. Бирөөнүн сөөгү күйүп кетиптир, анын тек-жайы ДНК анализ менен аныкталат», - деп Болвинов Фейсбуктагы баракчасына жазды.

Буга чейин почтага тийген ракетадан алты киши набыт болуп, 16 адам жараат алганы кабарланган.

21-октябрдын кечинде орус армиясы Коротич айылындагы «Жаңы почтанын» терминалына ракета менен сокку урган. Терминалдын чатыры тешилип, жети жүк ташуучу машине жана эки чиркегич керектен чыккан. Ал жерге келген адистер С-300 ракетасынын калдыктарын тапкан.

Орус армиясы Украинага согуш ачып, басып киргени жарандык жайларды бутага алып, дрон, ракета менен аткылап жүрөт. Жеринен табылган далилдерге карабастан Москва андай айыптоону мойнуна албайт.

Улуттар Уюмунун маалыматында 8-октябрга карай Украинада 9806 жай тургундун өмүрү кыйылып, 17962 киши жарадар болгону айтылган. Дүйнөлүк уюм эки жылга аяк баскан согушта карапайым калктын ичинен өлгөндөр мындан көп экенин белгилейт.