Бейшембиге караган түнү Киевде Орусиянын ракеталык чабуулунан 10 киши жараат алды. Алардын экөө ооруканага жаткырылганын шаардын мэри Виталий Кличко билдирди.
Атып түшүрүлгөн ракета сыныктары калаанын бир катар аймактарында турак жайларга, ишканаларга, бала бакчага жана автоунааларга кулады.
Подольск облусунда көмөкчордондон өрт чыгып, бир үйдүн чатыры күйүп кетти. Киевдин Шевченко районунда өрт чалган көп кабаттуу үйдүн тургундары эвакуацияланды.
Шаардын аскердик администрациясынын башчысы Сергей Попко 20-март күнү кечинде баш калаага бир эле учурда ар кайсы багыттан атылган 30га жакын канаттуу ракеталар атып түшүрүлгөнүн кабарлады. Расмий маалыматта Орусиянын ракеталык чабуулу үч саатка созулганы айтылат.
Украинанын бардык аймагында аба чабуулу тууралуу айгай салынды. Мурдараак Украинанын Куралдуу күчтөрү Орусиянын Мурманск облусундагы авиабазадан кеминде тогуз Ту-95МС бомбалоочу учагы учканын кабарлаган.
Шаршемби күнү Орусиянын Харьковго ракеталык чабуулунан беш киши набыт болгон. Снаряддар басмакананы жана эмерек чыгаруучу цехти талкалаган.
Орусиянын Коргоо министрлиги ракеталык соккулар тууралуу комментарий бере элек.
Орусиянын Украина менен чектеш тилкесиндеги Белгород облусунда реактивдүү снаряддын соккусунан 20-мартта бир киши каза болгонун, бир өспүрүм бала жараат алганын жергиликтүү жарандык коргонуу мекемесинин маалыматына таянып ТАСС агенттиги билдирди.
Жалпысынан жапырт аткылоочу RM-70 Vampire системасынын 13 реактивдүү снаряды атып түшүрүлгөнү, алардын бири машина токтотуучу жайда турган автомашиналарга тийгени, жараат алган бала ооруканага жаткырылганы, бир нече киши жараат алганы кабарланды.
Орусия бул чабуулдар үчүн Украинаны айыптоодо.
Белгороддо соңку күндөрдөгү чабуулдардын айынан мектептерде жазгы каникул эрте башталды, жогорку окуу жайлар аралыктан окууга өттү, спорттук жана маданий иш-чаралар убактылуу токтотулду.
20-мартка караган түнү Орусиянын Европа бөлүгүнүн түштүк-чыгышында жайгашкан Саратов облусу да учкучсуз учактардын чабуулуна кабылганын өлкөнүн Коргоо министрлиги билдирди. Саратовдо төрт, Белгороддо бир дрон атып түшүрүлгөнү айтылды, жабыркагандар тууралуу маалымат жок.
Ал эми Украинанын Коргоо министрлигинин Башкы чалгын башкармалыгы Саратов облусунун Энгельс шаарында "бутага алуу өз максатына жеткенин" билдирди, андан башка маалымат берилген жок.
Украинада соңку суткада Орусиянын чабуулдарынан бир киши каза болгонун, бир нече киши жараат алганын 20-мартта жергиликтүү бийлик башчылары билдиришти.
Херсон облусунда жай тургундар жашаган кварталдар аткыланганын, көп кабат үйлөр, жер тамдар, административдик имараттар жана автоунаалар талкаланганын, эки кишинин өмүрү кыйылганын, беш киши жараат алганын облустук аскердик администрациянын башчысы Александр Прокудин маалымдады.
Орусия Херсон облусунун айрым бөлүгүн оккупациялап алган, Украинага баш ийген бөлүгүн, айрыкча облус борборун дээрлик күн сайын аткылап келет.
Днепропетров облусунун башчысы Сергей Лысактын айтымында, 20-мартка караган түнү Синельников районунда беш киши жараат алды.
«Бир үй-бүлөнүн үйүн толук талкалап салышты. Жараат алгандар – 12 жана 19 жаштагы бир туугандар, 57 жаштагы атасы орточо оор абалда. 47 жаштагы аялдын абалы оор», – деп жазды Лысак Телеграмга.
Соңку суткада фронтто 80 жолу кагылышуу болгонун Украинанын Куралдуу күчтөрүнуң басма сөз кызматы билдирди.
Украинанын коргоо министри Рустем Умеров 25-февралда «Украина. 2024-жыл» форумунда сүйлөп жатып, Батыш убада кылган аскердик жардамдын жарымы өз маалында келбей жаткандыктан Украина жоокерлеринен да, жерлеринен да айрылып жатканын айткан.
20-мартта министр «Рамштайн» форматындагы жолугушууда өнөктөштөрдөн жардам жакынкы эки аптада тиет деген үмүт бар экенин айтты.
Украинада соңку суткада Орусиянын чабуулдарынан бир киши каза болгонун, бир нече киши жараат алганын 20-мартта жергиликтүү бийлик башчылары билдиришти.
Херсон облусунда жай тургундар жашаган кварталдар аткыланганын, көп кабат үйлөр, жер тамдар, административдик имараттар жана автоунаалар талкаланганын, эки кишинин өмүрү кыйылганын, беш киши жараат алганын облустук аскердик администрациянын башчысы Александр Прокудин маалымдады.
Орусия Херсон облусунун айрым бөлүгүн оккупациялап алган, Украинага баш ийген бөлүгүн, айрыкча облус борборун дээрлик күн сайын аткылап келет.
Днепропетров облусунун башчысы Сергей Лысактын айтымында, 20-мартка караган түнү Синельников районунда беш киши жараат алды.
«Бир үй-бүлөнүн үйүн толук талкалап салышты. Жараат алгандар – 12 жана 19 жаштагы бир туугандар, 57 жаштагы атасы орточо оор абалда. 47 жаштагы аялдын абалы оор», – деп жазды Лысак Телеграмга.
Соңку суткада фронтто 80 жолу кагылышуу болгонун Украинанын Куралдуу күчтөрүнуң басма сөз кызматы билдирди.
Украинанын коргоо министри Рустем Умеров 25-февралда «Украина. 2024-жыл» форумунда сүйлөп жатып, Батыш убада кылган аскердик жардамдын жарымы өз маалында келбей жаткандыктан Украина жоокерлеринен да, жерлеринен да айрылып жатканын айткан.
20-мартта министр "Рамштайн" форматындагы жолугушууда өнөктөштөрдөн жардам жакынкы эки аптада тиет деген үмүт бар экенин айтты.
19-мартта Германиядагы америкалык "Рамштайн" авиабазасында 50дөн ашык өлкөнүн өкүлдөрүнүн жолугушуусу өткөн. АКШнын коргоо министри Ллойд Остиндин төрагалыгында өткөн жыйында Украинага аскердик жардам берүү маселеси талкууланды. Анда Ллойд Остин Конгресс Киевге аскердик жардам берүүнү беките электигине карабай, Вашингтон жана анын союздаштары Украинанын жеңилип калышына жол бербейт деп ишендирди.
"Америка Кошмо Штаттары Украинанын жеңилишине жол бербейт. Коалиция да, эркин дүйнө да Украинанын жеңилишине жол бербейт", - деди Остин.
Пентагондун башчысы "украин аскерлери оор шарттарда салгылашып жатканын" белгиледи.
АКШ Конгресси Украинага 60 миллиард долларлык жардам берүү тууралуу мыйзам долбоорун кабыл ала элек. Аны Сенат жактырган, бирок Өкүлдөр палатасынын колдоосуна ээ боло элек.