Украинанын борбору Киевдин түндүк тарабында жайгашкан Бузова айылында ондогон жай тургундардын сөөгү көмүлгөн жапырт көрүстөн табылды. Бул тууралуу Бузова айылы кирген Дмитровка айылдык аймактын башчысы Тарас Дадич кабарлады.
Сөөктөр май куюучу жайдын жанына көмүлгөн.
Дадичтин айтымында, мындан тышкары жай тургундардын сөөктөрү аткылоого туш болгон автоунаалардын ичинде да табылган. Көз карандысыз булактар бул маалыматты тастыктай элек.
Украинанын президенти орусиялык аскерлер талкалаган шаарлардын сүрөтүн көргөздү.
Михаил Подоляк - Путин менен Зеленскийдин жолугушуусу тууралуу
Украинанын президентинин кеңсесинин президенти Михаил Подоляк Владимир Зеленский менен Владимир Путиндин жолугушуусу Украина чоң кармаштарда, анын ичинде Донбасста жеңгенден кийин болот. Бул тууралуу "Украина чындыгы" жазды.
"Орусия империялык иллюзиясынан баш тартсын деп жатканбызды түшүнүшү керек. Канча убакыт керек экенинин айырмасы жок", - деди Подоляк.
Украинада быйыл айдоо аянтынын 70 пайызында гана жазгы талаа иштери жүрүшү мүмкүн
Украинанын агрардык саясат жана азык-түлүк министринин орун басары Тарас Высоцкий жакын арада Чернигов жана Сумы облустары минадан тазаланса, аянт 80% кеңейиши мүмкүн экенин билдирди. Высоцкийдин айтымында, ички керектөө үчүн 70 пайыз айдоо аянты жетиштүү.