Николаевде күчтүү жарылуу болгону Телеграм-каналда кабарланды
Дүйнөлүк банк Орусия жана Украинанын ИДПсынын кыскарышын божомолдоодо
Дүйнөлүк банктын аналитиктеринин пикиринде Орусиянын ИДПсы санкциялардан улам 2022-жылы 11,2 процентке азаят.
Украинаныкы 45,5% азайышы мүмкүн. Буга согуштан улам экспорттун көлөмү кыскарганы, бизнестин жабылганы себеп. Эксперттердин айтымында, Украинада компаниялардын жарымы ишин токтотту, экспортко деңиз жээгиндеги порттордун жабылганы таасир эткен.
"Таймс": Финляндия жана Швеция НАТОго ушул жайда кошулушу мүмкүн
Британиялык "Таймс" басылмасы америкалык булактарга таянып, Финляндия жана Швеция ушул жайда НАТОго кошула турганын жазды. Гезит "бул Орусия үчүн стратегиялык жеңилүү болот" деген булактын сөзүн мисал келтирген.
Эки өлкөнү аскердик уюмга мүчөлүккө кабыл алуу өткөн жумада алардын тышкы иштер министрлери менен НАТОнун башка өкүлдөрү жолукканда талкууланган.
"Финляндиянын арызы июнда, Швецияныкы андан кийин" деп жазды "Таймс"
Кадыров Донбасстан тышкары жерде чабуулдар менен коркутту
Чеченстандын башчысы Рамзан Кадыров түндө видео жарыялап, орус армиясы "Мариуполго гана эмес, башка шаарларга да чабуул коюуга даярданып жатканын" билдирди. Андан кийин "Киевди жана башка шаарларды алабыз" деди Кадыров.