Украинанын аскерлер Донецкиден анча алыс эмес жердеги Марьинка шаары күн сайын фосфор снаряддары (Женева конвенциясы тыюу салган) менен атылып жатат. Кармаш уланууда. Марьинканын бүгүнкү көрүнүшү тууралуу "Свобода" радиосунан видеосу.
Украинанын президенти Владимир Зеленский дүйнө Орусиянын өзөктүк курал колдонушуна даяр болушу керектигин эскертти.
"Бардык өлкөлөр даяр болушу керек. Алар үчүн адамдардын өмүрү түккө турбайт. Коркпой даяр туруу керек. Бул Украинанын эле эмес, бүт дүйнөнүн коопсуздугу", - деди Зеленский CNN телеканалына курган маегинде.
Владимир Зеленский бул интервьюда өлкөсүнүн аскердик жоготуусу тууралуу айтты. Анын маалыматында 3 миң аскер каза таап, 10 миңге жакыны жарадар болгон.
Харьковдогу аткылоодон жума күнү 10 адам каза болду, арасында жети айлык бала бар. 36 адам жарадар болду.
Бул тууралуу Харьков облусунун администрациясы кабарлады.
Ал эми Николаев шаарында беш адам каза таап, 10у жарадар болгон.
Украинанын чыгышында атышуулар күчөп жатат
Украинанын башкармалыгынын сводкасында өткөн суткада орусиялык армия Луганск облусундагы Рубежное жана Попасная калктуу конуштарын ээлеп алууга аракет кылды. Ошол эле аймакта Северодонецк шаары да аткылоого кабылды. Жергиликтүү бийлик шаардагы имараттардын 70% талкаланганын билдирди.