Орусиялык аскердик учактар Львов облусуна сокку урду
Жабыркагандар тууралуу маалымат азырынча чыга элек. Облустук аскердик администрациянын билдиришинче, украиналык абадан коргонуу күчтөрү канаттуу ракетанын төртөөнү атып түшүргөн.
Украинанын аскер аба күчтөрүнүн башкармалыгы, орусиялык учактар Беларустагы Барановичи аэродромунан учуп чыкканын кабарлады. "Беларуска өлүм алып келген "белеги" үчүн рахмат" деп айтылат башкармалыктын билдирүүсүндө.
Орусиянын армиясы Луганск облусундагы Лисичанскидеги мунай иштетүүчү заводду аткылады.
Луганск облустук аскер администрациясынын башчысы Сергей Гайдай өрт 5 миң квадрат метрге жайылганын билдирди. Заводдо күйүүчү май жок бирок мунай калдыктары күйүп жатат деди ал.
Украин бийлиги: Орусияда 700 украин аскери жана миңдеген тургундар туткунда жатат
Бул тууралуу улуттук телемарафондун эфиринде журналисттерге Украинанын вице-премьери Ирина Верещук билдирди. Ага чейин орусиялык тарап туткунда миңдеген украин аскерлери жатканын айткан.
Ирина Верещук Женева конвенциясына ылайык туткундарды жана жай тургундарды алмашып, бошотууга чакырды. Анын айтымында, Украинада туткунда 700дөй орусиялык аскер бар жана Украина аларды алмашууга даяр.
Украиналык "Антонов" заводунун жетекчилери орусиялык аскерлер талкалаган "Мрія" учагын калыбына келтире турганын билдиришти
Жаңы "Мрія" заманбап нормаларга ылайык жасалып, жасалгаланууга тийиш. Азырынча учак үчүн негизги агрегаттар бар.
Заводдон эсептөө-көзөмөлдөө иши көп убакытты аларын, керектүү жабдыктарды алып, сыноо программасын жүргүзүү өңдүү иштер бар экенин кабарлашты.
