Сурамжылоо: Орусияда согуштун токтошун колдогон жаштар басымдуу
Сурамжылоого катышкан орусиялыктардын 30 пайызы Украинадагы согуштун "болушунча эрте токтошун" колдогон. Алардын 24 жашка чейинкилеринин 56 пайызы да ушул тандоо менен макул болгон. Бул тууралуу "Медуза" басылмасы Бүткүл орусиялык коомдук пикирди изилдөө борборунун изилдөөсүнө таянып жазды. Сурамжылоо Орусиянын президентинин администрациясынын буйрутмасы менен даярдалып, июль айынын аягында жүргүзүлгөн. Бирок борбор расмий маалыматтарын бөлүшкөн да, бул боюнча комментарий да берген эмес.
"Медуза" жазгандай, суралгандардын 57 пайызы согушту "дароо токтотуунун кажети жок" дешсе, калган 13 пайызы так жооп берген эмес. Согуштун токтотулушун жактаган орусиялыктардын басымдуусу 25-34 жаштагылар. Бирок "атайын операциянын" уланышын жактаган 72 пайыз адамдар 60 жаштан өткөндөр болгон.
Сурамжылоо: Орусияда согуштун токтошун колдогон жаштар басымдуу
Сурамжылоого катышкан орусиялыктардын 30 пайызы Украинадагы согуштун "болушунча эрте токтошун" колдогон. Алардын 24 жашка чейинкилеринин 56 пайызы да ушул тандоо менен макул болгон. Бул тууралуу "Медуза" басылмасы Бүткүл орусиялык коомдук пикирди изилдөө борборунун изилдөөсүнө таянып жазды. Сурамжылоо Орусиянын президентинин администрациясынын буйрутмасы менен даярдалып, июль айынын аягында жүргүзүлгөн. Бирок борбор расмий маалыматтарын бөлүшкөн да, бул боюнча комментарий да берген эмес.
"Медуза" жазгандай, суралгандардын 57 пайызы согушту "дароо токтотуунун кажети жок" дешсе, калган 13 пайызы так жооп берген эмес. Согуштун токтотулушун жактаган орусиялыктардын басымдуусу 25-34 жаштагылар. Бирок "атайын операциянын" уланышын жактаган 72 пайыз адамдар 60 жаштан өткөндөр болгон.
АКШнын президенти Жо Байден Израилге барды
Байден Иерусалимде эки күн болот, Иордан дарыясынын батыш жээгиндеги талаш аймактарга барат жана анда Палестина автономиясынын президенти Махмуд Аббас менен жолугат.
Кошмо Штаттардын президенти израилдик кесиптештери менен чөлкөмдөгү туруктуулукту камсыз кылуу, Жакынкы Чыгыштагы эл аралык саясат, Ирандын позицияларына байланышкан маселелерди талкуулайт. Мындан сырткары Украинага көмөктөшүү жана Орусиянын агрессиясына каршы туруу темалары да күн тартибинде бар.
ЕБдеги беш өлкө Босния-Герцеговинага талапкер макамын берүүнү сунуштады
Европа Биримдигиндеги (ЕБ) беш өлкөнүн - Австриянын, Венгриянын, Чехиянын, Словакиянын жана Словениянын тышкы иштер министрлери Босния жана Герцеговинага уюмга кошулууга талапкер макамын берүүнү сунуштады.
“Биздин өлкөнүн өкмөттөрү Батыш Балкан Евробиримдик үчүн маанилүү экенин көрсөткүбүз келет”,- деди 13-июлда Будапешттеги биргелешкен билдирүүдө Австриянын тышкы иштер министри Александр Шалленберг.