Линктер

ЧУКУЛ КАБАР!
23-Апрель, 2024-жыл, шейшемби, Бишкек убактысы 00:56

Улуттук банк: Насыя боюнча пролонгация чаралары каралууда


Улуттук банктын имараты.
Улуттук банктын имараты.

Өкмөт доллар менен насыя алгандарга пролонгация (төлөө мөөнөтүн жылдыра туруу) мүмкүнчүлүгүн берүү жолдорун караштырып жатат. Бул тууралуу 11-мартта Жогорку Кеңештин “Ата-Журт Кыргызстан” фракциясынын отурумунда маалымат берип жатып Улуттук банктын төрага орун басары Манас Жакыпов билдирди:

«Ооба. Азыр иштеп жатабыз. Экономика министрлиги менен, мамлекет менен конкреттүү чараларды сунуш кылып жатабыз».

Жакыповдун айтымында, бүгүнкү күндө Кыргызстанда насыя алгандардын арасында акчаны доллар менен алгандар 28% түзөт.

Өкмөт коммерциялык банктардан өндүрүш максатында доллар менен насыя алган кардарларга жардам берүү планын түзүп жатканын 10-мартта Жогорку Кеңеште экономика жана коммерция министри Данияр Амангелдиев билдирген.

Кыргызстанда акыркы жолу доллардын кымбаттоосу коронавирус пандемиясы башталганда болгон. 2020-жылдын мартына чейин бир нече жыл 69 сомдун тегерегинде болуп келген доллар 85 сомго жетип, бул көрсөткүч акыркы убакта туруктуу кармалып турган.

Орусия Украинада согуш баштаган 24-февралдан бери доллар кайра кымбаттап, бүгүн, 11-мартта акча алмаштыруучу жайларда 105-106 сом болууда. Улуттук банктын бүгүнкү күнгө карата аныкталган расмий курсу 103 сом. (RK)

Facebook шеринеси

XS
SM
MD
LG