Өзгөчө кырдаалдар министрлиги Чүй, Ош, Жалал-Абад жана Баткен облустарынын айрым райондорунда 26-29-март күндөрү күн ысып, нөшөрлүү жаан-чачынга байланыштуу суу каптоо, дарыялардагы сууну деңгээли көтөрүлүшү жана тоо этектериндеги аймактарда сел жүрүшү мүмкүн экенин эскертти.
Кыргызстандын аймактарында эки жумадан бери жамгыр, кар жаап жатат. Өзгөчө кырдаалдар министрлиги Оштун Кара-Суу районундагы Учкун айылынын тургундагы туруксуз аба ырайынан улам коопсуз жайга көчүргөн. 24-мартта кар калың жаагандыктан, Ысык-Көл облусундагы айрым ашуулар убактылуу жабылды. Ат-Башы районунун Ак-Сай өрөөнүндөгү кыштоолорго барчу жолдогу калың кар тазаланып, ал жактагы малга 400дөй боо чөп жеткирилди. Оштун Мырзаке - Кара-Кулжа – Алайкуу автоунаа жолунун 75-чакырымында кар көчкү жүрүп, унаа жолду жаап калган. Учурда жол бир тараптуу ачылганы кабарланды. (TSh)
Facebook шеринеси