ЖИА бизнес-ассоциациясынын Таластагы өкүлчүлүгү жана облустук акимчилик уюштурган фестивалга жергиликтүү дыйкандар менен айыл чарба адистери катышууда.
Көргөзмөгө Кыргызстанда өндүрүлгөн айыл чарба продукциялары коюлган. Фестивалдын максаты - ишкерлерге аянтча түзүү жана жергиликтүү өнүмдү колдоо болуп саналат. Мындан сырткары бул тармактагы адистер, ишкерлер тажрыйбалары менен бөлүшүүдө.
Иш-чара алкагында төө буурчактын уругун туура тандоого жөнүндө окуулар өтүп, көргөзмө уюштурулду. Бул үчүн атайын эксперттер чакырылган.
Фестивалды Таласта үчүнчү жолу өткөрүп жатышат.
Төө буурчак - Талас облустунда көп эгилген өсүмдүк. Жылына 90 миң тоннанын тегерегинде түшүм өндүрүлөт. Расмий маалыматтарга караганда, Талас облусунун калкынын 80% төө буурчак менен жан багат. (MKt)
