Абакта апасынын жанында жашап жаткан наристе балдар үчүн тийиштүү шарт түзүлбөгөнүн 28-мартта аялдар колониясына барып келген акыйкатчы Атыр Абдрахматова билдирди.
Омбудсмендин кеңсеси маалымдагандай, балдарга памперс жана манеж да жетишпейт.
Акыйкатчы Абдрахматова абактагы шарт менен таанышып, аялдардын арыз-пикирлерин укту жана акысыз жардам берүүчү адвокаттардын ишмердүүлүгү менен аялдар көтөргөн маселелер боюнча жакын арада мониторинг жүргүзүлөрүн айтты.
Кыргызстан боюнча аялдардын жалгыз абагы Чүйдүн Степное айылында жайгашкан. Ал жерде 350дөй аял камакта отурат, алардын тогузунун үч жашка чейинки наристеси жанында. (RK)
Facebook шеринеси