Линктер

ЧУКУЛ КАБАР!
23-Июнь, 2024-жыл, жекшемби, Бишкек убактысы 00:42

Медициналык камсыздандыруу системасы реформаланат


Иллюстрациялык сүрөт.
Иллюстрациялык сүрөт.

Милдеттүү медициналык камсыздандыруу фондунун системасын реформалоонун үстүндө чоң команда иштеп жатат. Бул тууралуу бүгүн, 4-апрелде президент Садыр Жапаров социалдык тармакта эмгектенген кызматкерлердин республикалык жыйынында сүйлөп жатып билдирди.

Бул иштин натыйжасында медицина кызматкерлерине эмгек акы төлөө боюнча ачык-айкын чаралар көрүлө турганын кошумчалады.

Президенттин айтымында, саламаттыкты сактоо тармагынын кызматкерлеринин эмгек акы фондусу орто эсеп менен 50 пайызга жогорулады. Аны менен категориялар үчүн төлөмдөр сакталып калган.

2021-жылдын башында Саламаттык сактоо министрлигине Милдеттүү медициналык камсыздандыруу фонду кошулган.

Саламаттык сактоо министринин айтымында, министрликттин жалпы бюджети 2022-жылы 20 млрд. сомду түзгөн. Анын 14 млрд. сому Милдеттүү камсыздандыруу фондуна тийиштүү. Министр ушул жылдын 1-апрелинен тартып медицина кызматкерлеринин айлыгы 50% көтөрүлө турганын билдирген.

Facebook шеринеси

XS
SM
MD
LG