Линктер

ЧУКУЛ КАБАР!
16-Июнь, 2024-жыл, жекшемби, Бишкек убактысы 06:26

Улуттук банк бир банкка жана айрым акча алмаштыруучу жайларга айып салды


Иллюстрациялык сүрөт.
Иллюстрациялык сүрөт.

Улуттук банк мыйзамды жана банктын укуктук талаптарын бузганы үчүн төрт акча алмаштыруучу жайга 55 миң сомдон айып салды.

Бул тууралуу аталган банктын басма сөз кызматы билдирди. Маалыматка караганда, ушундай эле негизде бир коммерциялык банкка айыпка жыгылган.

Орусия 24-февралда Украинага басып киргенден кийин Европа өлкөлөрү жана АКШ Орусияга бир катар экономикалык санкцияларды салып рублдин куну түшүп, доллардын баасы өсүп кеткен.

Анын таасири Кыргызстанга да тийип, акыркы жылдары 85 сомдун тегерегинде кармалып турган доллар 106 сомго чыкты.

Соңку аптада валюта рыногунда абал олку-солку болуп турат. Өткөн аптада доллардын сомго карата баасы 7% чейин арзандаган.

5-апрелде расмий курс 85,7 деп аныкталган. 2-апрелден бери доллардын курсу сомго карата 5% өскөн.

Ушул күндөрү бир АКШ доллары коммерциялык банктар менен акча алмаштыруучу жайларда 86-88 сомго бааланып жатат.

Facebook шеринеси

XS
SM
MD
LG