Өзгөчө кырдаалдар министрлиги 8-апрелден 10-апрелге чейин температуранын жогорулашына жана күтүлүп жаткан жаан-чачынга байланыштуу Ош, Жалал-Абад жана Баткен облустарында суу кириши мүмкүн экенин билдирди. Министрлик тоолуу жана тоо этектериндеги райондорунда сел жүрүү коркунучун эскертти.
Абанын температурасынын жогорулашына байланыштуу Кыргызстандын тоолуу райондорунда, Бишкек-Ош унаа жолунун айрым участокторунда (Төө-Ашуу, (Ала-Бел ашуусу, Чычкан капчыгайы), Бишкек-Нарын-Торугарт жолунун Долон ашуусу, Кара-Үңкүр капчыгайында, Казарман-Актал-Чат унаа жолунун Кара-Гөө ашуусу, Каракол-Эңилчек унаа жолунун Чон-Ашуу ашуусусунда кар көчкү түшүшү мүмкүн.
Соңку бир аптада күн катуу ысып, абанын температурасы 30 градуска чейин жетти.
ӨКМ кар көчкү жана сел коркунучун эскертти
Facebook шеринеси