Кыргызстандын Орусиядагы элчигиги Санкт-Петербург шаарында кыргыз жарандары аралашкан окуя тууралуу маалымат берди.
Ага ылайык, аталган шаарда 11-апрелде эки кыргыз жараны мекендештерин тоноп, телефондорун жана акчаларын тоногон деген шек менен кармалган. Аларга Кылмыш-жаза кодексинин 162-беренеси (каракчылык) менен айып коюлду.
"Иштин бардык жагдайларын тактоо жана расмий билдирүү алуу үчүн Кыргызстандын Орусиядагы элчилиги бул мамлекеттин тиешелүү органдарына суроо-талап жиберди", деп айтылат маалыматта.
Орусияда өзүнүн журтташтарын тоногон кыргызстандыктар буга чейин дагы катталган.
Орусияда иштеп-жашап жүргөн кыргызстандыктардын саны расмий бир миллиондон ашты.
Дагы караңыз
Facebook шеринеси