Линктер

ЧУКУЛ КАБАР!
20-Май, 2024-жыл, дүйшөмбү, Бишкек убактысы 23:59

CPJ украин бийлигин эки журналисттин өлүмүн иликтөөгө чакырды


Буча шаарында табылган сөөктөр. 12-апрель 2022-жыл
Буча шаарында табылган сөөктөр. 12-апрель 2022-жыл

Нью-Йоркто жайгашкан Журналисттерди коргоо комитети (CPJ) украин бийлигин Роман Нежиборец жана Зореслав Замойскийдин өлүмүн иликтөөгө чакырды. 13-апрелдеги билдирүүдө, Нежиборецтин сөөгү Ягидне айылында, Замойскидин сөөгү Киевдин жанындагы Буча шаарчасында орус аскерлери чегингенден кийин табылганы айтылат. Комитет алар кесибине байланыштуу өлтүрүлгөнбү же жокпу деген суроого жооп табууга, күнөөлүүлөрдү жоопко тартууга үндөдү.

"Орусиянын жана Украинанын бийликтери согуш шартында медиа өкүлдөрүнүн коопсуз иштөөсүн камсыздоого тийиш”, - деп айтты комитеттин Европа жана Борбор Азия боюнча координатору Гүлнөза Саид.

13-апрелде Украинанын Журналисттер биримдиги Орусия согуш баштагандан бери украин жергесинде 20 медиа кызматкер окко учканын билдирген. Биримдик өлкөнүн Башкы прокуратурасы өлгөнүн бышыктыган маркумдардын ысымдарын жарыялады. Дагы бир нече журналист байланышка чыкпай жатат, алардын тагдыры тууралуу эч кандай маалымат жок.

Facebook шеринеси

XS
SM
MD
LG