27-апрелде Абдылас Малдыбаев атындагы Опера жана балет театрында бош жумуш орундар менен кесиптердин жармаңкеси өтөт. Бул тууралуу Эмгек, социалдык камсыздоо жана миграция министрлигинин басма сөз кызматы маалымдады.
Жармаңкеге 2 миңден ашуун жумуш орундарын сунуштай турган өнөр жай, курулуш, транспорт, соода, билим берүү, саламаттык сактоо жана башка тармактардан 50 ири компания катышат.
Жалпысынан 6 миңден ашуун бош жумуш орундар каралат.
Иш-чараны аталган министрлик, Бишкек мэриясы, ЖИА Бизнес Ассоциациясы, Германиянын эл аралык кызматташтык коому уюштурууда.
2021-жылы 76 миң адам расмий жумушсуз катары катталган. Өлкөдөгү жумушсуздуктун айынан 1,5 миллиондой кыргызстандык чет жактарда эмгек миграциясында жүрөт. (KS)
