Бишкектин Байтик баатыр көчөсүндө көп кабаттуу үйдөн чыккан өрт өчүрүлдү. Өзгөчө кырдаалдар министрлигинин маалыматына караганда, өрттү өчүрүүгө төрт бригада тартылган. Тилсиз жоодон жабыркагандар тууралуу азырынча маалымат жок.
Бишкектин Байтик баатыр көчөсүндө көп кабаттуу үйдүн үстүңкү кабаты өрттөнүп жатканы тууралуу видео, сүрөттөр социалдык тармактарга жарыяланган.
2021-жылы Кыргызстанда үч миңдей өрт кырсыгы катталып, 40ка чукул киши каза болгон. Өлкө боюнча 200дөй машине, 2 миңдин тегерегинде өрт өчүрүүчү бар.
