Линктер

ЧУКУЛ КАБАР!
4-Июль, 2022 дүйшөмбү, Бишкек убактысы 18:31

Кыргыз-казак президенттеринин жолугушуусунда жүк ташуудагы маселе каралат


Кыргыз-казак чек арасындагы «Ак-Тилек” өткөрмө бекети.

Казакстандын президенти Касым-Жомарт Токаевдин Кыргызстанга расмий сапары 26-майда башталарын Министрлер кабинетинин төрагасынын биринчи орун басары Арзыбек Кожошев айтты.

Коңшу өлкөнүн президенти 27-майда Жогорку Евразия экономикалык кеңештин (ЕЭК) видеоконференция форматында саммитине жана Бишкекте өтө турган пленардык жыйындарга катышат.

Арзыбек Кожошев президент Садыр Жапаров менен Касым-Жомарт Токаевдин жолугушуусунда эки өлкөнүн чек арасында жүк ташуудагы маселелер да талкууланарын билдирди.

“Албетте, бул маселе каралат. Казакстан тарап көйгөйдү толугу менен чечкенге даяр. Бул президенттердин жолугушуусунда карала турган маселелердин ичине кирет”, - деди Кожошев.

Өткөн айда кыргыз-казак чек арасындагы “Ак-Тилек” өткөрмө бекетинде жүк ташыган автоунаалардын узун кезеги пайда болгон. Бишкек “Казакстан жүк ташууда Евразия экономикалык биримдигинин шарттарын аткарбай жатат” деп айыптаган.

Казак-кыргыз чек арасында маал-маалы менен жүк ташуучу унаалардын кээде бир нече чакырымга созулган узун кезеги болуп турат. (BTo)

Facebook шеринеси

XS
SM
MD
LG